Мэдээллийн дэлгэрэнгүй

Арьс арчилгааг зөв хийх нь бүтээгдэхүүний үр нөлөөг хамгийн ихээр хүртэхэд чухал үүрэгтэй. Дараах өглөө болон орой хэрэглэх арьс арчилгааны зөв дарааллыг танилцуулж байна.

Өглөөний арьс арчилгааны дараалал (Өдөр тутмын хамгаалалт)

Өглөө арьсаа сэргээж, чийгшүүлж, нарны хорт туяанаас хамгаалах зорилготой.

1. Зөөлөн нүүр цэвэрлэгч (Face Wash)

• Арьсан дээрх шөнийн турш ялгарсан тослог, хөлс, бохирдлыг зөөлөн цэвэрлэнэ.
• Хэрэв таны арьс хуурай бол өглөөд дан ганц бүлээн усаар угаах боломжтой.

2. Тонер (Toner)

• Арьсны рН балансыг тэнцвэржүүлнэ.
• Дараагийн бүтээгдэхүүнүүдийн шингэц сайжирна.
• Арьсны төрлөөс хамаарч чийгшүүлэгч эсвэл тослог зохицуулагч тонер хэрэглэнэ.

3. Эссенс (Essence)

• Арьсны эсийг нөхөн сэргээж, гүн чийгшүүлнэ.
• Хэрэв танд арьсанд зориулсан нэмэлт үйлчилгээ хэрэгтэй бол энэ алхамд хэрэглэнэ.

4. Серум (Serum) / Ампуль (Ampoule)

• Өндөр агууламжтай идэвхтэй найрлагууд нь арьсны асуудлыг шийдэхэд тусална (жишээ нь: батга, сэвх, хөгшрөлт).
• Витамин С агуулсан серум нь өглөөд хэрэглэхэд тохиромжтой.

5. Нүдний тос (Eye Cream)

• Нүдний орчмын нимгэн, эмзэг арьсыг чийгшүүлж, үрчлээс үүсэхээс хамгаална.

6. Чийгшүүлэгч тос (Moisturizer)

• Арьсны чийгийг түгжиж, өдрийн турш хуурайшилтаас хамгаална.
• Тослог арьстай бол гелэн бүтэцтэй, хуурай арьстай бол өтгөн тос хэрэглээрэй.

7. Нарны тос (Sunscreen) - SPF 30+

• Нарны хэт ягаан туяанаас хамгаална.
• Өдөр бүр хэрэглэх нь арьсны хөгшрөлтөөс сэргийлэх хамгийн чухал алхам.
• Нарны тос түрхсэний дараа 15 минут хүлээгээд будгаа хийх нь зөв.

Оройн арьс арчилгааны дараалал (Гүн цэвэрлэгээ, нөхөн төлжилт)

Орой арьс арчилгаа нь өдрийн турш хуримтлагдсан бохирдол, будгийг цэвэрлэх болон арьсыг нөхөн сэргээх үүрэгтэй.

1. Будгийн тосон цэвэрлэгч (Oil Cleanser - Makeup Remover)

• Усанд суурилсан цэвэрлэгчээс өмнө хэрэглэнэ.
• Нарны тос, нүүр будгийг гүн цэвэрлэж, арьсны тослогийг тэнцвэржүүлнэ.

2. Усанд суурилсан нүүр цэвэрлэгч (Water-Based Cleanser)

• Арьсан дээр үлдсэн бохирдол, хөлсийг цэвэрлэнэ.
• Хөөсөрдөг, гелэн эсвэл сүүн бүтэцтэй байж болно.

3. Гуужуулагч (Exfoliator) (7 хоногт 2-3 удаа)

• Механик (жижиг ширхэгтэй) эсвэл химийн (AHA, BHA, PHA гэх мэт хүчилтэй) гуужуулагч хэрэглэж, үхэжсэн эсийг арилгана.
• Өдөр бүр хэрэглэхгүй, 7 хоногт 2-3 удаа хэрэглэнэ.

4. Тонер (Toner)

• Өглөөний адил арьсны рН-ийг тэнцвэржүүлнэ.

5. Эссенс (Essence)

• Арьсыг гүн чийгшүүлж, нөхөн төлжүүлэхэд тусална.

6. Серум / Ампуль (Serum / Ampoule)

• Арьсны асуудалд чиглэсэн үйлчилгээтэй (жишээ нь: батга, үрчлээ, нүхжилт багасгах, чийгшүүлэх).
• Оройд гүн чийгшүүлэгч серум илүү тохиромжтой.

7. Зовхины тос (Eye Cream)

• Нүдний орчмын арьсыг тайвшруулж, үрчлээснээс хамгаална.

8. Чийгшүүлэгч тос (Moisturizer)

• Өдрийнхөөс илүү өтгөн бүтэцтэй тос түрхэж, арьсыг гүн чийгшүүлнэ.

9. Нүүрний тос эсвэл маск (Sleeping Mask / Face Oil) (Хүссэн үедээ)

• Шөнийн маск нь арьсыг гүн тэжээл өгч, амралтын хугацаанд нөхөн төлжүүлнэ.
• Хуурай арьстай бол тосон бүтэцтэй чийгшүүлэгч хэрэглэж болно.

Нэмэлт зөвлөмжүүд

 Гуужуулагч болон ретинол агуулсан бүтээгдэхүүнийг зөв хэрэглэх

• AHA/BHA гуужуулагч болон Ретинол агуулсан серумыг хамтад нь хэрэглэхээс зайлсхийх.
• Эдгээрийг хэрэглэх үед заавал нарны тос түрхэх шаардлагатай.

 Бүтээгдэхүүн хэрэглэх дараалал: Шингэнээс өтгөн рүү

• Хамгийн шингэн бүтэцтэй бүтээгдэхүүнээс эхэлж, өтгөн бүтэцтэй тос, тосон маскаар дуусгах нь үр дүнтэй.

Нарны тосыг тогтмол хэрэглэх

• Нарны тос бол хөгшрөлтөөс сэргийлэх хамгийн чухал алхам.
• Бүтээгдэхүүн хооронд 1-2 минут завсарлагатай түрхэх

Ингэснээр бүтээгдэхүүн бүр арьсанд сайн шингэж, хамгийн их үр дүн үзүүлнэ.

Арьс арчилгааны зөв дарааллыг баримтлах нь арьсны эрүүл байдал, гэрэлтсэн өнгө, залуу төрхийг удаан хадгалахад тусална. Өдөр тутмын зөв арьс арчилгаа + тогтмол нарны хамгаалалт нь таны арьсыг удаан хугацаанд залуу байлгана.

Та одоо хэрэглэж байгаа арьс арчилгааны дарааллаа зөв гэж бодож байна уу?